പ​മ്പു​ട​മ​യു​ടെ കൊ​ല​പാ​ത​കം; മൂ​ന്നു​പ്ര​തി​ക​ളു​ടെ അ​റ​സ്റ്റ് ഉ​ട​ൻ; പിടിയിലായത് കൈപ്പമംഗലം സ്വദേശികൾ; മൂവർക്കും ക്രിമിനൽ പശ്ചാത്തലം

തൃ​ശൂ​ർ: കൈ​പ്പ​മം​ഗ​ല​ത്തെ പെ​ട്രോ​ൾ പ​ന്പു​ട​മ​യെ കൊ​ല​പ്പെ​ടു​ത്തി റോ​ഡ​രി​കി​ൽ ത​ള്ളി​യ കേ​സി​ൽ ക​ഴി​ഞ്ഞ ദി​വ​സം ക​സ്റ്റ​ഡി​യി​ലെ​ടു​ത്ത മൂ​ന്നു​പേ​രു​ടെ അ​റ​സ്റ്റ് ഇ​ന്നു​ച്ച​യ്ക്ക് മു​ന്പ് രേ​ഖ​പ്പെ​ടു​ത്തും. കൈ​പ്പ​മം​ഗ​ലം കാ​ള​മു​റി കോ​ഴി​പ്പ​റ​ന്പി​ൽ കെ.​കെ.​മ​നോ​ഹ​ര​ൻ (68) ആ​ണ് കൊ​ല്ല​പ്പെ​ട്ട​ത്. കൈ​പ്പ​മം​ഗ​ല​ത്തെ എ​ച്ച്.​പി.​പെ​ട്രോ​ൾ പ​ന്പു​ട​മ​യാ​ണ് കൊ​ല്ല​പ്പെ​ട്ട മ​നോ​ഹ​ര​ൻ.

കൈ​പ്പ​മം​ഗ​ല​ത്തു നി​ന്നും തി​ങ്ക​ളാ​ഴ്ച രാ​ത്രി കാ​ണാ​താ​യ മ​നോ​ഹ​ര​നെ ഇ​ന്ന​ലെ ഗു​രു​വാ​യൂ​ർ ലി​റ്റി​ൽ ഫ്ള​വ​ർ കോ​ളേ​ജി​നു സ​മീ​പം കു​ന്നം​കു​ളം – ഗു​രു​വാ​യൂ​ർ റോ​ഡു​വ​ക്കി​ൽ മ​രി​ച്ച നി​ല​യി​ൽ ക​ണ്ടെ​ത്തു​ക​യാ​യി​രു​ന്നു. മ​നോ​ഹ​ര​ന്‍റെ കാ​ർ അ​ങ്ങാ​ടി​പ്പു​റ​ത്തു ക​ണ്ടെ​ത്തി.

കൈ​പ്പ​മം​ഗ​ലം സ്വ​ദേ​ശി​ക​ളാ​യ മൂ​ന്നു​പേ​രാ​ണ് പി​ടി​യി​ലാ​യി​ട്ടു​ള്ള​ത്. ഇ​വ​ർ​ക്ക് ക്രി​മി​ന​ൽ പ​ശ്ചാ​ത്ത​ല​മു​ള്ള​താ​യും പോ​ലീ​സി​ന് വി​വ​രം ല​ഭി​ച്ചി​ട്ടു​ണ്ട്. പ​ന്പി​ലെ ക​ള​ക്ഷ​ൻ തു​ക ത​ട്ടി​യെ​ടു​ക്കാ​നാ​ണ് ഇ​വ​ർ മ​നോ​ഹ​ര​നെ കൊ​ല​പ്പെ​ടു​ത്തി​യ​ത്. മൂ​ക്കും വാ​യും പൊ​ത്തി​പ്പി​ടി​ച്ച് ശ്വാ​സം മു​ട്ടി​ച്ചാ​ണ് കൊ​ല​ന​ട​ത്തി​യ​തെ​ന്ന് പോ​സ്റ്റു​മോ​ർ​ട്ട​ത്തി​ന്‍റെ പ്രാ​ഥ​മി​ക റി​പ്പോ​ർ​ട്ടി​ൽ പ​റ​യു​ന്നു.

കൊ​ല​യാ​ളി​ക​ൾ കു​റ​ച്ചു ദി​വ​സ​ങ്ങ​ളാ​യി മ​നോ​ഹ​ര​നെ നി​രീ​ക്ഷി​ച്ചു​വ​രി​ക​യാ​യി​രു​ന്നു​വ​ത്രെ. വി​ശ​ദ​വി​വ​ര​ങ്ങ​ൾ പോ​ലീ​സ് പു​റ​ത്തു​വി​ട്ടി​ട്ടി​ല്ല.